Kreu i Lartë i Shtetit, Bujar Nishani, ka komentuar shkarkimin nga posti i ministrit të Drejtësisë së Ylli Manjanit. I ftuar në emisionin “Fakt”, ai fillimisht ka shprehur mirënjohjen për kontributin që Manjani ka dhënë në mbledhjet e KLD-së ku Nishani është kryetar.
I pyetur lidhur me akuzat e ministrit të liruar nga detyra, me deklaratën e tij goditëse rreth një orë pas lajmit të shkarkimit të tij, Presidenti Nishani tha:
“Duke ju referuar përmbajtjes së pyetjes tuaj do të thosha se në rast se zoti Manjani është shkarkuar për shkak të angazhimeve dhe prononcimit të tij në lidhje me shqetësimin tashmë ndërkombëtar që ka marrë kultivimi dhe trafikimi i kanabisit në territorin shqiptar ky do të ishte një lajm shumë i keq.”
Kreu i Lartë i Shtetit sqaroi se motivacioni për shkarkimin e Nishanit i referohej ecurisë së reformës në drejtësi. Ai u shpreh se nuk i di arsyet dhe detajet që kryeministri ka konstatuar se Ylli Manjani është një pengesë për çuarjen përpara të reformës në drejtësi.
