Policia franceze liron shtatë personat që u mbajtën peng për minuta me radhë nga një person i armatosur, në një agjenci udhëtimesh në Paris.
Por, personi i armatosur u arratis dhe është ende në kërkim.
Shumë qytetarë u frikësuan se ngjarja mund të kishte lidhje me ndonjë sulm terrorist raporton “AFP”, por sipas policisë nuk bëhet fjalë për një rast të tillë.
Forcat policore njoftojnë se personi i cili hyri në agjenci kishte si qëllim grabitjen, pasi edhe pak kohë më parë kjo agjenci kishte rënë pre e grabitjeve.
Franca është aktualisht nën gjendjet e emergjencës shtetërore, për shkak të një serie sulmesh terroriste nga ISIS dhe Al Kaeda.
Discussion about this post