Dy gazetarë të Reuters të burgosur në Myanmar për raportimin e tyre mbi krizën në Rohingya janë liruar. Wa Lone, 33 vjeç dhe Kyaw Soe Oo, 29 u liruan pas një amnistie presidenciale. Ata kaluan më shumë se 500 ditë burg në periferi të Yangon.
Ata ishin dënuar sipas Aktit Zgjedhor Zyrtar me 7 vjet burg në shtatorin e kaluar. Burgosja e tyre u konsiderua si një sulm ndaj lirisë së shtypit dhe ngriti pyetje rreth demokracisë së Myanmarit. Ndërsa po linte burgun, Wa Lone u zotua të vazhdojë raportimin e tij dhe tha se ishte i emocionuar të kthehej në punë në agjencinë ndërkombëtare të lajmeve.
“Unë jam shumë i lumtur dhe i gëzuar të shoh familjen time dhe kolegët e mi. Mezi po pres të shkoj në redaksinë time”, tha ai për BBC. Të dy meshkujt kanë familje me fëmijë të vegjël. Gruaja e Wa Lone, Pan Ei Mon, zbuloi se ishte shtatzënë pas arrestimit të burrit të saj. Ai e ka parë vajzën e tij një herë në vizitat e saj në burg.
Gazetarët janë qytetarë të Myanmarit që punonin për agjencinë ndërkombëtare të lajmeve Reuters.
Ata kishin mbledhur prova për vrasjen e 10 burrave Rohingya nga ushtria në fshatin Inn Din në Rakhinë e veriut në shtator 2017.
Ata u arrestuan para publikimit të raportit, pasi morën dokumente nga dy policë. Një dëshmitare policore dëshmoi gjatë gjykimit se takimi në restorantin ishte i kurdisur për të kapur gazetarët. Burimi: BBC
