Janë liruar tre të rinjtë, të cilët u arrestuan në Shkodër pak orë më parë. Tre të rinjtë të cilët u shoqëruan janë: Besjan Zajan, Ergys Ivzikun dhe Arvit Bushatin, ky i fundit kryetar i FRPD në Shkodër.
Në mbështetje të tyre mbërritën sot dhe deputetët Bardh Spahia dhe Izmira Ulqinaku, si dhe kryetarja e Bashkisë së Shkodrës, Voltana Ademi.
Deputetët janë shprehur se gjithçka që ka ndodhur është politike, dhe se vepra penale nuk ekziston në këtë rast.
Deputeti Bardh Spahia u shpreh jashtë gjykatës: Të rinjtë do të kenë mbështetjen maksimale të PD-së, ne nuk dorëzohemi përballë kësaj bande që drejton vendin.
Tre të rinjtë protestuan para gjykatës, ku bashkë me dhjetra përfaqësues dhe qytetarë, kërkuan lirimin e 11 kuksianëve të arrestuar pas tubimit të dhunshëm në Rrugën e Kombit në 31 mars, kundër taksës.
Sipas policisë, dyshohen këta persona se kane prishur qetësinë publike dhe kanë marrë pjese në një proteste te paligjshme si dhe janë autor te hedhjes se tymueseve dhe shashkave.
Gjatë ditës së enjte gjykata e Apelit në Shkodër vendosi të lirojë 7 prej të arrestuarve, ndërsa për 4 të tjerë la sërish në fuqi masën ‘arrest me burg’.
(E.K/FAXWEB.AL)
Discussion about this post