Pas vendimit të trupës gjyqësore franceze për lirimin e Ramush Haradinajt, kanë ardhur reagimit e para nga politikanët, shqiptarë dhe kosovarë.
Kryeministri i Shqipërisë, Edi Rama, ka përshëndetur vendimin për lirimin e AAK-së dhe i ka uruar kthimin në Prishtinë Haradinajt. Ai shkruan se me këtë vendim, mbyllet episodi absurd, por vazhdon beteja për fshirjen e listës së urdhër-arresteve.
“Mirëukthefsh në Prishtinë i dashur Ramush. Mbyllet episodi absurd por beteja për fshirjen e listës së urdhër-arresteve te vjetra vazhdon
Momenti po ashtu, për të vlerësuar përpjekjet politike dhe diplomatike të autoriteteve në Tiranë e në Prishtinë, si edhe për të falenderuar çdo qytetar kudo ku i dha zë përpjekjes së përbashkët kundër një padrejtësie spektakolare.
Respekt për institucionet e drejtësisë franceze, që bënë drejtësi; një shembull më shumë për të çmuar vlerën jetike të drejtësisë së drejtë!”, shkruan Edi Rama.
I menjëhershëm ka qenë edhe reagimi i presidentit të AKR-së, Behxhet Pacolli, i cili ka kërkuar që Haradinaj të hiqet nga lista e Interpolit dhe të kthehet në vendin e tij.
“Sapo është liruar nga ndalimi policor, lideri i AAK-së, Ramush Haradinaj. Tani ai duhet të hiqet nga lista e Interpolit dhe të kthehet në vendin e tij, sa më parë.”, shkruan Pacolli. (XH.A/SHUPLAKA)
