Gjykata e Apelit ka vendosur masën e sigurisë detyrim paraqitje për ish drejtorin e Kadastrës së Durrësit, Liridon Pula.
I vënë nën arrest nën akuzën e shpërdorimit të detyrës, Apeli rrëzoi vendimin e dhënë nga Gjykata e Shkallës së Parë Durres, duke ndryshuar masën nga arrest me burg në detyrim paraqitje.
Gjyqtari i Apelit Valbon Çekrezi, pasi dëgjoi akuzën dhe shqyrtoj dosjen vendosi ta lirojë drejtorin e Katasdrës, me argumentim se akuza nuk është e bazuar në prova.
Kreu i Kadastrës Durrës Liridon Pula u arrestua pas akuzave të ngritura nga prokurori Arjan Ndoja për shpërdorim detyre.
Vendimi i gjykatës së shkallës së parë Durres dhënë pak javë më pare solli reagimin e politikës.
Në atë kohe Zv kryeministri Erion Braçe u shpreh për vendimin e mëparshëm se prokurori i cështjes Arjan Ndoj po i bën presion një zyrtari të shtetit dhe kujtoi se prokurorë dhe gjyqtarëtë tillë që nuk kanë kaluar vetingun nuk duhet të ekzistojnë në institucionet shqiptare.
Discussion about this post