Gjykata e Krimeve të Rënda ka vendosur të ndryshoje masën e sigurisë nga “Arrest me burg” në “Arrest shtëpie” për ish-kreun e ARRSH-së Dashamir Xhikën.
Pala mbrojtëse raportohet se ka paraqitur argumentet se personi Dashamir Xhika nuk përbën rrezikshmëri shoqërore pasi ka qenë në nivel drejtues si dhe bashkëshortja e tij nuk është në gjendje të mirë shëndetësore, argument këto të cilat gjykata i ka pranuar.
Xhika akuzohet për shpërdorim detyre dhe abuzim me fondet e rrugëve.
Kallëzimi për abuzime ndaj Dashamir Xhikës u bë nga prokuroria e Elbasanit, konkretisht shpërdorim fondesh në ndërtimin e rrugës së Gjinarit. Procedurat e rrugës së Gjinarit kanë nisur që në vitin 2009.
“Nga hetimet e kryera ka rezultuar se këta shtetas, sipas detyrave dhe funksioneve që kanë patur, kanë kryer veprime dhe mosveprimeve të kundërligjshme, që kanë sjellë si pasojë shpërdorimin e fondeve publike në shumën rreth 5 miliardë lekë të vjetra, të dhëna nga buxheti i shtetit për realizimin e objektit “Sistemim Asfaltim rruga e Gjinarit”, dhe objekti nuk është realizuar”, thuhet në vendimin e gjykatës së Elbasanit.
Po ashtu janë arrestuar Rexhep Tarba (mbikëqyrësi i punimeve në rrugën e Gjinarit), Agron Hysa dhe Kujtim Hysa (kishin si biznes kombaninë e ndërtimit ‘vëllezërit Hysa’, ndërsa Rezarta Bokçiu është me ‘arrest shtëpie’, edhe kjo administratore e një kompanie ndërtimi.
Deri më tani janë ekzekutuar vetëm 6 urdhër arreste. Përveç masës së arrestit, policia ka ushtruar edhe kontrolle në banesë tek zyrtarët në fjalë.
Akuza ndaj tyre është ‘shpërdorim detyre’. Në pranga ranë edhe 4 administratorët e shoqërive që sistemuan dhe asfaltuan rrugën e Gjinarit:
Rexhep Tarba, mbikëqyrësi i punimeve, Agron dhe Kujtim Hysa si dhe Rezarta Bokçiu, në arrest shtëpie.
(M.Q/Faxweb)
Discussion about this post