Lirohet nga burgu pasi ishte dënuar për dhunë në familje, 44-vjeçari alarmohet kur shkon në shtëpi

Pasi ka dalë nga burgu një 44-vjeçar ka denoncuar bashkëshorten e tij e cila është larguar nga banesa bashkë me fëmijët e tyre, pa adresë.

44-vjeçari ishte  dënuar për dhunë në familje, por mesa duket kur ka dalë nga qelia dhe ka shkuar në banesë, atë e ka gjetur të kyçur, dhe nuk ka mundur të krijojë kontante as me gruan e as me fëmijët.

“Më datë 23.09.2017, u referuan materialet në Prokurorinë e Rrethit Gjyqësor Tiranë, për shtetasen L.T vjeç 37, pasi dyshohet se gjatë kohës që bashkëshorti G.T, vjeç 44, ka qenë duke vuajtur dënimin në IEVP Rrogozhinë, për veprën penale “Dhuna në familje“, L.T është larguar nga banesa bashkë me fëmijët pa adresë. Punohet për gjetjen e tyre. Neni 127 i Kodit Penal”, thuhet në njoftimin e Policisë. (J.V/Shuplaka)