Pas dorëheqjes së Ervin Koçit të manadati si deputet është liruar nga detyra Prefekti i qytetit të Fierit .Qeveria ka miratuar sot disa nga vendimet e Këshillit të Ministrave, e mes tyre edhe lirimin nga detyra të Prefektit të Qarkut të Fierit i cili do të marrë mandatin e deputetit pas dorëheqjes së Ervin Kocit në Fier.
Duhet të sjellim në vëmndje që deputeti i PS-së Ervin Koçi njoftoi për dorëheqjen e tij me anë të një statusi në faqen e Facebook-ut, ku ka bërë të ditur se do të largohet nga angazhimet politike. Pas lënies së mandatit nga Ervin Koçi, vendime tij e zë në Kuvend ish-Prefekti i Fierit, Xhevit Bushaj.
Ky i fundit në një intervistë për Gsh.al tha pak ditë më parë se do të braktiste detyrën që ka, për të marrë mandatin e deputetit.
“Po, tani… Unë dua që të justifikoj atë besim që kam patur në zonën time. Unë kam patur një zonë me 54 mijë banorë. Janë marrë afërsisht 9600 vota. Kështu që unë jo vetëm që kam qenë kryetar i PS-së së rrethit të Fierit, kam drejtuar për 6 vjet Partinë Socialiste në Fier dhe e kam sjellë në fitore. Kam qenë i 12 –ti në listë. Kam 3 vjet e gjysmë që vazhdoj detyrën e Prefektit. Kam goxha komunikim me njerëzit, duke u shërbyer atyre në çdo moment dhe në çdo situatë emergjente siç kanë qenë përmbytjet apo problemet në zonën naftëmbajtëse të Patos Marinzës, por njëkohësisht edhe problemet e tjera dhe bashkëpunimin edhe me pjesën tjetër, edhe me kundërshtarët tanë, sidomos për reformën administrative-territoriale, ku qarku i Fierit ishte një nga qarqet ku nga 42 njësi vendore janë vetëm 6 bashki tani, ku kemi përfshirë dhe ka marrë pjesë edhe opozita, gjatë gjithë konsultimeve që kemi bërë. Domethënë është gjetur fryma e bashkëpunimit.”, u shpreh Bushaj. (J.V/Shuplaka)
Discussion about this post