Dy deputetët e Vet Vendosjes Albin Kurti dhe Donika Kadaj – Bujupi janë liruar sot nga paraburgimi.
Deputetët akuzohen për hedhjen e gazit lotsjellës në Kuvend. Të akuzuarit e tjerë janë edhe deputetët e po të njëjtës parti, Albulena Haxhiu dhe Faton Topalli
Trupi gjykues ka vendosur që shpallja e aktgjykimit të bëhet me 3 janar 2018.
Në Gjykatën Themelore të Prishtinës sot u dëgjua fjala përfundimtare e prokurorit dhe e mbrojtjes, po ashtu edhe të të akuzuarve shkruan gazeta Express
Deputeti i VV-së Albin Kurti në fjalën përfundimtare të tij, ka thënë se veprimet e tij dhe të tre të akuzuarve të tjerë, janë padëgjueshmëri parlamentare e jo vepër penale.
Katër deputetët e Vetëvendosjes, Albin Kurti, Donika Kadaj-Bujupi, Albulena Haxhiu dhe Faton Topalli akuzohen për përdorim të mjetit të rrezikshëm dhe pengim të personit zyrtar në kryerje të detyrës zyrtare.(M.Q/Faxweb)
Discussion about this post