Këshilli i Lartë i Drejtësisë ka caktuar 2 inspektorë për të hetuar gjyqtarin Petraq Curri për shkak se liroi nga burgu Alket Hatiajn.
Hatiaj edhe pse ishte dënuar me 20 vite burg në Itali u la i lirë nga Gjykata e Durrësit, pavarësisht se kjo nuk ishte kërkesa e Prokurorisë.
Nisja e hetimit është kërkuar nga Ministri i Drejtësisë Gazmend Bardhi. Në përfundim të hetimeve të dosjes do të ketë dhe një raport final nga ana e inspektorëve.
Curri e kishte lënë të lirë Hatiajn me pretendimin se e kishte vuajtur dënimin në shtetin Italian. Sakaq i quajturi baroni i drogës prej kohësh fshihej në një bunker në zonën e Beratit.
(E.K/SHUPLAKA)
