Kryetari i Bashkisë së Tiranës, Erion Veliaj, ka inspektuar së fundmi punimet që po kryhen në Sharrë në kuadër të projektit pilot për varrezat murale. Ai u shpreh se në kuadër të këtij projekti, janë shpronësuar mjaftuashëm për të pasur hapësira të lira.
Duke theksuar se detyrë e Bashkisë së Tiranës nuk është të kujdeset vetëm për jetët e atyre që jetojnë në Tiranën urbane dhe që janë gjallë, ai apeloi për lirimin e hapësirave në varrezat publike, në të kundërt do të ndërhyjnë fadromat e bashkisë.
“Do t’u kërkoj me shumë dashamirësi të gjithë atyre që kanë zaptuar hapësirë në varreza, t’i lirojnë ato përpara se të vijnë fadromat e bashkisë. Në momentin që vijnë fadromat e bashkisë, nuk do të falet askush që ka zënë një centimetër tokë publike nga varrezat publike të prindërve dhe të gjyshërve tanë në Sharrë. Ndaj, kërkoj bashkëpunimin e të gjithëve për të liruar hapësirat”, u shpreh ai.
(XH.A/SHUPLAKA)
Discussion about this post