“Lisi nuk pritet me një të rënë”, Berisha për ‘ultimatumet’ e opozitës”: Të ishte ngritur nga varri…

Ish-kryeministri Sali Berisha tejet kritik ndaj qeverisjes Rama thotë se edhe Jorgo Zografi të ishte ngritur nga varri nuk do të kishte qeverisur ndryshe.

I ftuar në RTV Ora, Berisha thotë se lisi nuk pritet me një të rënë, por goditjet që do të marrë në vijim rrugës do të sjellin dhe largimin e tij. 

Lisi nuk pritet me një të rënë, ky ka marrë një të rënë të madhe dhe të rënat e tjera do ta shembin përtokë këtë. Populli opozitar nuk do ti ndahet këtij derisa të japë llogari një për një para shqiptarëve për dëmet e jashtëzakonshme që i ka bërë Shqipërisë dhe kombit shqiptar në këto vite.Të ishte ngritur nga varri Jorgo Zografi ndryshe nuk do të kishte qeverisur.

I pyetur nëse është opozita në kushtet për t’i vënë ultimatume kryeministrit, Berisha tha se opozita i bën këto veprime sepse është në pozicion inekstremis sepse konstation që Rama po ia bllokon të gjitha mundësitë shqiptarëve.

Pyetje: Opozita është jashtë institucioneve. E ka luksin të dërgojë ultimatume drejt kryeministrit dhe drejt mazhorancës për reformën zgjedhore. TI thotë hap krahun, nëse nuk e hap krahun e hapim vetë atë. Praktikisht krahu hapet me zgjedhje.

Sali Berisha: Opozita i bën këto në pozicion inekstremis sepse konstaton që ky po ia bllokon të gjitha mundësitë shqiptarëve. Kjo mbledhja që bëhet tani, në 18 tetor kur të shoh mosrealizimin e kushtreve, ata të cilët kanë kundërshtuar tërësisht hapjen e negociatave me Shqipërinë ata thonë ne kemi patur të drejtë. Kjo është një qeveri jo serioze, e lidhur me krimin, ata i kanë dëgjuar të gjitha përgjimet. Atë e njohin tani si një “brigand” në kuptimin absolut të fjalës.

Pyetje: Nuk besoj që qëndron shumë kjo përderisa Merkel e pret në takime zyrtare, i jep premtimin për çeljen e negociatave.

Sali Berisha: Deri në këtë minutë nuk ja ka dhënë. Përkundrazi janë gënjeshtra të tij. Kështu na tha ky edhe në 2016, ja kjo është kartolina e Merkel. Ky tha u hapën negociatat. Sot thotë që ishte Merkel që vuri veton të mos veçohet Shqipëria nga Maqedonia e Veriut. Ky është njeri që jeton me mashtrimet e veta, jo normal. Po Maqedonisë, Bundestagu i tha të hapen negociatat pa kushte, kurse Shqipërisë i shtoi edhe 2 të tjera nga 7.

 Ky thotë zonja Merkel vuri veton të hapen negociatat pa kushte, ndërsa Merkel kaloi Maqedoninë për hapjen e negociatave pa kushte dhe shtoi  kushte për Shqipërinë. Shtoi “BILD” dhe legjitimitetin e zgjedhjeve të 30 qershorit, shtoi krizën. Ky i lexon gjërat sipas interesit.