Dy prej anëtarëve të Komisionit të Vettingut, Flamur Noka nga rradhët e PD-së dhe Luan Rama nga rradhët e LSI-së kanë shprehur haptazi kundërshtimin e listës së kandidatëve për Vettingun.
Flamur Noka e cilëson listën e Avokatit të Popullit si politike dhe të papranueshme që listat e Ramës të bëjnë Vettingun. Ai akuzoi se në mbledhjen e sotme, komisioni kaloi vetëm 67 veta, emrat e caktuar nga Edi Rama. Në emër të PD-së, ai kërkoi që të bëhet transparencë me qytetarët.
“Niveli i listës së kualifikuar është shumë i ulët. Edhe profesionistët në listë ishin politikë, merrni me mend çfarë produkti do ketë Vettingu. PS dhe LSI morrën vendim politik për të futur listën e Avokatit të Popullit, ishte e gjitha politike, me dy standarde. Në listë ka juristë të fabrikave të këpucëve, prokurorë e gjyqtarë të PS-së. Listat e Ramës për të bërë Vettingun janë të papranueshme. Vettingun do e bëjnë juristët e peshkut. Janë përjashtuar kandidatët që mund ti bëjnë mirë procesit të vettingut, komisioni kaloi vetëm 67 veta, listën që caktoi Edi Rama. PD kërkon të bëhet transparencë me qytetarët.”, është shprehur Noka.
Nga ana tjetër, Luan Rama akuzoi AP-në dhe ONM-në për qëndrim me dy standarde. Sipas tij, në lista ka edhe emra të vlerësueshëm, si dhe nga ata që janë penalizuar subjektivisht për shkak se të afërmit e kandidatëve punojnë në sistemin e drejtësisë:
“ONM ka aplikuat dy standarde në vlerësimin e kandidatëve! I ftova përfaqësuesit e PD dhe të PS të ruanin kohezionin e marrëveshjes, po nuk me degjuan. Kërkova që të vendosnim me konsensus por palët nuk pranuan. Puna në komision evidentoi edhe probleme të ligjit! Ligji me difekte dhe mangësi! Janë penalizuar kandidatë që kanë të afërmit në sistemin e drejtësisë.”
(XH.A/SHUPLAKA)
Discussion about this post