LISTA E PLOTË/ Nga Gjuzi, te Milo dhe Gjinushi-Cilat parti janë regjistruar në KQZ për zgjedhjet e 30 Qershorit (Nesër skadon afati)

Një ditë para përfundimit të afateve për regjistrimin e partive në zgjedhjet lokale që janë dekretuar të mbahen në 30 Qershor, Faxweb.al ka siguruar listën e plotë të partive që janë regjistruar në KQZ, dhe atyre që pritet të zyrtarizohen nesër.

Pavarësisht se PD dhe LSI kanë deklaruar prerë se ato janë opozita e vërtetë e vendit, duket se deri më tani numri i partive të vogla që marrin pjesë në zgjedhje, është i konsiderueshëm.

Në sy bien padyshim parti të afërta me Edi Ramën si PSD e Skënder Gjinushit apo PDS e Paskal Milos, pa harruar Kujtim Gjuzin që është një nga ish-aleatët më të komentuar të Lulzim Bashës, si dhe është në pritje për marrjen e mandatit të deputetit në Qarkun e Durrësit.

Derimë tani burime bëjnë me dije se janë regjistruar 25 forca politike, ndërsa pritet dhe regjistrimi i 8 forcave të tjera, mes tyre dhe i partisë Zgjidhja, kryetari i së cilës Koço Kokëdhima, ka shpallur kandidaturën e tij për Bashkinë e Tiranës.

Po ashtu mbetet ende në pikëpyetje nëse deri nesër Rudina Hajdari dhe demokratët e tjerë të zhgënjyer do të mund që të regjistrojnë partinë e tyre në Gjykatën e Tiranës, dhe më pas ti hapin rrugë garimit në zgjedhjet lokale.

Partitë që janë regjistruar derimë tani në KQZ:

1. Partia e Gjelbër Edlir Petanaj
2. Partia Kombëtare Konservatore Albania Kujtim Gjuzi
3. Partia Kristian Demokrate Dhimitër Musliu
4. Partia Aleanca Demokristiane e Shqipërisë Zef Bushati
5. Partia Socialiste e Moderuar Gjergji Koja
6. Partia e Unitetit Kombëtar Idajet Beqiri
7. Partia e Migracionit Shqiptar Kostaq Papa
8. Partia për Mbrojtjen e të drejtave të punëtorëve të Shqipërisë Kadri Isufaj
9. Partia Personat me Aftësi të Kufizuar Gjovalin Shqalshi
10. Partia Lëvizja Punëtore Shqiptare Genci Sakaj
11. Partia e të Drejtave të Mohuara Ilir Vata
12. Partia Demokracia e re Europiane Koçi Tahiri
13. Partia Aleanca për Barazi dhe Drejtësi Europiane Valentino Mustaka
14. Partia Demokrate për Integrim dhe Prosperitet Kujtim Muça
15. Partia Ardhmëria Shqiptare Emin Subashi
16. Partia Minoriteti Etnik Grek për të ardhmen Kristo Kiço
17. Partia për Liri Demokraci dhe Etikë Arian Galdini
18. Partia Social Demokrate Shqiptare Skënder Gjinushi
19. Partia për Demokraci dhe Solidaritet Gaqo Apostoli
20. Partia Komuniste e Shqipërisë Qemal Çiçollari
21. Partia Socialiste e Shqipërisë Edi Rama
22. Partia Bashkimi Demokrat Shqiptar Ylber valteri
23. Partia Ora e Shqipërisë Zef Shtjefni
24. Partia Bashkimi Liberal Demokrat Arjan Starvova
25. Partia për Mbrojtjen e të Drejtat të Emigrantëve Ymer Kurti

Partitë që do të regjistrohen nesër në KQZ:

1. Partia Socialpunëtore shqiptare Ramadan Ndreka
2. Partia Zgjidhja Koço Kokëdhima
3. Partia Demokracia Sociale Paskal Milo
4. Partia Ligj dhe Drejtësi Spartak Ngjela
5. Partia e Reformave Demokratike Shqiptare Krenar Rryçi
6. Partia e Pajtimit Kombëtar Shqiptar Spartak Dobi
7. Fryma e re Demokratike
8. Lista e Barabartë Endri Tafani

(E.K/FAXWEB.AL)