LISTA/ Flet për autonomi, por bordin e administrimit të universitetit të Elbasanit e kanë “pushtuar” punonjësit e ministrisë dhe këshilltari i tij

Kryeministri Rama, i gjendur këto ditë nën furtunën e protestës studentore, u justifikua se problemet që kishin ngritur studentët i adrsëoheshin universitetit dhe jo qeverisë, pasi kjo e fundit u kishte dhënë autonomi.

Për të parë se sa qëndron kojo deklaratë e kryeministrit, mjafton që t’i hedhim një vështrim emrave që përbëjnë bordin e administrimit të universitetit të Elbasanit.

Bordi i Universitetit të Elbasanit  përbëhet nga tre pedagogë dhe 4 përfaqësues të Ministrisë së Arsimit. Në një kohë kur kryeministri Rama ia hedh gjithë përgjegjësinë Universiteteve, raporti numerik tregon të kundërtën. Me shumicë përfaqësuesish , ata të ministrisë së arsimit mund ti kishin hedhur poshtë vendimet, gjë që duket se nuk e kanë bërë.

Tre emrat e pedagogëve në Elbasan Ardian Durmishi, Shefqet Shyti dhe Brunilda Elezi, mësohet se janë jo shumë të njohur për institucionin arsimor, por e njëjta gjë nuk mund të thuhet për ata të Minsitrisë së Arsimit. Pjesë e bordit të Universitetit të Elbasanit është një nga njerëzit më të afërt të kryeminsitrit Rama. Ai është Ylli Çabiri, i cili gjithnjë ka mbajtur poste të rëndësishme, por nga ana tjetër është edhe këshilltar i vetë kryeminsitrit Rama. Z. Çabiri është edhe një nga miqtë më të ngushtë të bashkëshortes Lindita Rama, ndaj kryeministri duhet ta shohë përgjegjësinë jo thjesht te universiteti.

Emri tjetër i bordit të adminsitrimit është Agim Leka, këshilltar i ministres së arsimit prej shumë vitesh. Pra emra të rëndësishëm dhe më përvojë, kanë firmosur letra me shuma të mëdha brenda. Edhe dy emrat e tjerë të minsitrisë së arsimit Astrit Dautaj dhe Denisa Shehaj nuk janë të panjohur, por ofrojnë asistencën e tyre pranë minsitrisë së Arsimit.

Lista

Ardian Durmishi

Kryetar

Senati akademik UE.

2.

AstritDautaj

Anëtar

Ministria e Arsimit, Sportit dhe Rinisë.

3.

Denisa Shehaj

Anëtar

Ministria e Arsimit, Sportit dhe Rinisë.

4.

AgimLeka

Anëtar

Ministria e Arsimit, Sportit dhe Rinisë.

5.

ShefqetShyti

Anëtar

Senati akademik UE.

6.

Ylli Çabiri

Anëtar

Ministria e Arsimit, Sportit dhe Rinisë.

7.

Brunilda Elezi

Anëtar

Senati akademik UE.

(B.H/Faxweb)