Gjatë intervistës në “Fakt” me gazetarin Çim Peka, kryetari i Partisë Demokratike Lulzim Basha nka folur edhe për mundësitë që zgjedhjet e ardhshme të jenë me lista të hapura dhe jo me kandidatë që vendosen nga liderët e partive.
Sipas Bashës, ai e ka shprehur edhe më herët se është për më shumë se kaq.
“Unë kam shpallur një platformë për PD, një platformë të hapjes , e cila në fakt nuk i drejtohet vetëm demokratëve apo votuesve tanë por i drejtohet të gjithë shqiptarëve. Unë mbështes gjithçka që e kalon vendimmarrjen tek qytetari shqiptar, tek votuesi shqiptar që fuqizon votuesin shqiptar. Jam shprehur dhe po e përsëris prapë që jam edhe më shumë për listat e hapura, unë jam për një mazhoritar të pastër.Mos të ketë lista që ti bëjnë kryetarët e partive, po të jenë kandidatët nga partitë politike, por dhe kandidatë të tjerë të pavarur , të cilët konkurrojnë dhe marrin votat e qytetarëve”, është shprehur kreu i PD-së Lulzim Basha. (A.R/SHUPLAKA)
