Gazetari Sokol Shameti ka reaguar përsa i përket listave të PD-së. Sipas tij kjo listë s’është perfekte sepse nuk i përfshin të gjithë ata njerëz me integritet që unë mendoja se duhej të përfshinte por ka një dozë të durueshme të vjetrish dhe të kompromentuarish sesa lista e PS-së. Më tej ai shton se lista e PD-sëka një përqendrim më të lartë arsimtarësh, poetësh dhe gazetarësh sesa lista rivale.
Por Shameti sqaron me tej se kjo mënyrë krahasimi bëhet pasi është e vetmja që mund të bëjë sens në kushtet e një mjedisi politik të degraduar dhe primitiv si ky që kemi në Shqipëri.
“JO DHE AQ MIZERJE. Nuk flas dot me kompetencë për listën e kandidatëve të partisë së djathtë PD-së sepse s’jam votues i kësaj partie.
Mirëpo, e krahasuar me listën tjetër të partisë së djathtë PS, shikoj tek kjo e PD-së një përqindje më të ulët për metër katror biznesmenësh, militantësh, servilësh dylekësha, drejtorësh barkderra dhe gangsterësh.
Kjo listë s’është perfekte sepse nuk i përfshin të gjithë ata njerëz me integritet që unë mendoja se duhej të përfshinte. E megjithatë ajo ka një dozë më të durueshme të vjetrish dhe të kompromentuarish sesa lista e PS-së. Njëkohësisht ajo ka një përqendrim më të lartë arsimtarësh, poetësh dhe gazetarësh sesa lista rivale.
Kjo listë prezanton një numër më inkurajues emrash fare të rinj, një sasi më të kursyer nepotizmi dhe një gramaturë më të lehtë pehlivanësh dhe aventurierësh.
Besoj se mënyra krahasimore e të parit se “kush është më pak mizerje nga listat” është e vetmja që mund të bëjë sens në kushtet e një mjedisi politik të degraduar dhe primitiv si ky që kemi në Shqipëri.”, shkruan Sokol Shameti. (J.V/Shuplaka)
Discussion about this post