Listat e PD-së, si i ka vendosur Basha 5 aleatët për kandidat për deputet (RENDITJA)

Mbrëmjen e djeshme  janë publikuar listat e Partisë Demokratike për zgjedhjet e 25 qershorit. Nuk kanë qenë të pakta edhe surprizat e kreut të saj Lulzim Basha në lidhje  përzgjedhjen e kandidatëve.

Por përsa u përket aleatëve të tij, Fatmir Mediu, Agron Duka dhe Vangjel Dule, do të jenë në pozicione fituese në listat e PD-së.

Fatmir Mediu është i dhjeti në listë si kandidat në qarkun e Tiranës. Agron Duka është i pesti në listë në qarkun e Durrësit dhe Vangjel Dule është kandidat për deputet i treti në listë në qarkun e Vlorës.

Ndërsa Nard Ndoka është i pesti në  listë në qarkun e Shkodës. Ndoka dhe Shehu kanë edhe nga 2 persona në vende jo fituese në këto lista. Dashamir Shehi është kandidat për deputet në Tiranë, i njëmbëdhjeti në listë. Po kështu edhe Dule do të ketë edhe një kandidat në Vlorë. (J.V/Shuplaka)