Fatmir Mediu i renditur i 10-ti në listën e PD-së për Tiranën duket se ka garantuar pjesëmarrjen e tij në Kuvendin e katër viteve të ardhshme.
Në një mesazh falenderimi në rrjetet sociale, Mediu duket se ka anashkaluar një falenderim për kreun e PD-së Basha.
Pavarësisht se në listën e gjatë nuk mungonin falenderimet as për Besnik Mustafajn apo Jemin Gjanën. Mediu shprehet se pavarësisht se kishte tentativa masive për blerjen e votës njerëzit e thjeshtë treguan dinjitetin e tyre.
STATUSI I MEDIUT:
Të dashur miq!
Dua të falenderoj të gjithë votuesit e Vorës që edhe njëherë dolën fitimtarë përballë gjithë makinës shtetërore, blerjes masive të votës.
Edhe njëherë demokratët e Domjes, Vorës, Bërxullit, Prezës njerëzit e thjeshtë që duan lirinë dhe dinjitetin e tyre, treguan se janë ata që vendosin me votë të ardhmen, nuk e vendos paraja dhe krimi, por vota e tyre.
Falenderime për çdo votues të thjeshtë, strukturat e PD dhe PR, por veçanërisht kryetarit të Bashkisë Vorë Fiqiri Ismaili, njëri i drejtë, punëtor dhe fitimtar i përhershëm.
Po ashtu dua të falenderoj gjithë votuesit e qarkut Tiranë.
Kavaja tregoi se është Kavaja e demokracisë dhe se Isa(Taku) Sakja do të jetë Kryetar Bashkie.
Falenderim për babain tim i cili edhe pse në moshë të thyer, kërkoi votën për #PD kudo që mundi, vëllanë tim Shpëtimin, mikun tim Lilin, të gjithë njerëzve të mi të gjakut në Kavajë dhe Rrogozhinë për mbështetjen e tyre.
Dua të falenderoj gjithë Republikanët të cilët punuan për çdo votë për Partinë Demokratike.
Kam bindjen se shpirtin e së Djathtës nuk mund t’a thyejë kush, pavarësisht disfatës.
Dua të falenderoj Blendin, një nga kandidatët e jashtëzakonshëm.
Dashamir Tahirin që dhe pse padrejtësisht e sakrifikuan, tregoi se i perket komunitetit Çam dhe të djathtës, si dhe mikun tim Astrit Veliaj që mandati i deputetit nuk i humbet asnjë vlerë.
Falenderoj kandidatët e tjerë të mrekullueshëm Flamurin, Ahmetin, Gencin, Dorin, Hysenin, Fisnikun, Cimin, Besnikun, Bardhin e shumë të tjerë.
Miqtë e mi Besnik Mustafaj dhe të palodhurin Jemin Gjana.
Falenderoj çdo anëtar dhe drejtues të PD që pata fatin të punoj.
Njerëzit e mirë, Pëllumbin, Sybiun, Ladin, Ramazanin, Kamerin, Demi, Vehbiu, Mondi, Erzeni, Astriti, Hebibi, Kujtimi, Xhemali, Xhafa, Dema, Gëzimi, Duri, Naimi, Fatmirën, Ambrën e jashtëzakonshme, Ardiani, Abedini, Hajdari, Durimi Shkëlqimi, Fred Avdiu, Ilirjan Dafin, Denisi, Arnoldin, Bardhin, Nardin, Naimin, Namirin, Besimi, Dashi e shumë e shumë të tjerë, mijëra miq të vjetër e të rinj.
Kam bindjen se për të ndërtuar kërkon shpirt dhe ide, kërkon kontributin e gjithsecilit.
Kemi nevojë për një reflektim të thellë të gjithsecilit. Dashuria për njerëzit dhe jo e kundërta, bashkimi dhe jo ndarja është rruga që e djathta do di të Rikthehet Fortë, duke vlerësuar çdo vlerë e kontribut të saj, të djeshëm, të sotëm dhe të ardhshëm.
Me shumë dashuri, vlerësim dhe respekt.
Miku juaj,
Fatmir Mediu
(E.K/SHUPLAKA)
