Sapo ka përfunduar mbledhja për konstituimin e Këshillit Bashkiak dhe të gjithë anëtarët e rinj të këtij këshilli kanë dalë nga ambientet e Bibliotekës së Universitetit Luigj Gurakuqi janë sulmuar me sharje dhe shishe uji nga protestuesit.
Nga pamjet është vënë re se turma e protestuesve tashmë e acaruar dhe aspak e qetë ka qëlluar në drejtim të pjestarëve me shishe uji dhe sende të tjera të forta. Shumë prej tyre kanë tentuar të lagin dhe aleatin e PD, Tom Doshin i cili ka ecur i qetë i shoqëruar nga mbështetësit e tij dhe forca policie.
I pyetur nga FaxNews nëse kishte ndonjë koment për këtë situatë Tom Doshi tha:
“Kjo proteste nuk është normale sepse këta nuk kanë marrë pjesë në zgjedhje dhe skanë pse protestojnë“.
Ndërsa në lidhje me zgjedhjen e kryebashkiakut të ri të Shkodrës ai u shpreh: “Unë kam ardhur si aleat i PS dhe për të tjerat, vendimet i merr Edi Rama“.
Discussion about this post