Vdekja e Diogo Jotas ka lënë trishtim të madh te Liverpool. Sipas asaj që shkruajnë mediat, skuadra e The Reds do të nisë përgatitjet për sezonin e ri të martën, megjithëse është ende e paqartë nëse ndeshja e tyre e parë miqësore para edicionit do të zhvillohet sipas asaj që ishte parashikuar.
Fillimisht e premtja ishte caktuar si dita kur rinisin përgatitjet, me grupin që do plotësohej të hënën, por gjërat nuk shkuan sipas planit.
Shumica e lojtarëve të ekipit të parë morën pjesë në varrimin e Diogo Jotas, në qytetin e vogël portugez të Gondomorit, së bashku me një delegacion të zyrtarëve të lartë të klubit.
