‘’Llalla’’ dhe ‘’Tahiri’’, Donika Prela nis nga takimet. Ja kë priti sot te Krimet e Rënda

Kryeprokuroria e Krimeve të Rënda Donika Prela ka pasur sot një takim të rëndësishëm.

Ajo ka pritur për rreth një orë në një takim kreun e policisë për Krimet e Rënda Eduard Merkaj. Takimi nisi rreth orës 12:30 minuta dhe përfundoi një orë më pas.

Mësohet se pjesë e diskutimeve ishin zhvillimet e fundit hetimore në lidhje me dosjen ‘Habilaj’ ku po hetohet edhe Saimir Tahiri dhe dosjen e ish kryeprokurorit Adriatik Llalla, e cila u transferua nga Durrësi te Krimet e Rënda në Tiranë.

Hetimi për Llallën është regjistruar për “Refuzim për deklarim, mosdeklarim, fshehje ose deklarim i rremë i pasurise, interesave private të zgjedhur dhe nënpunësve publikë ose i çdo personi tjetër që ka detyrimin ligjor për për deklarim”, “Mosdeklarimit të shumave të të hollave ne kufi”, “Pastrimit të produkteve të veprës penale“ dhe “Shpërdorimit të detyrës”.

(E.K/FAXWEB.AL)