Kryeprokurori Adriatik Llalla ka qenë së fundmi i pranishëm në qytetin e Fierit, për analizën vjetore të Prokurorisë Fier.
Gjatë fjalës së tij, Llalla vlerësoi procesin e dekriminalizimit që e cilësoi si një proces të rëndësishëm që do të vazhdojë. Ai kërkoi bashkëpunimin e institucioneve për të hetuar korrupsionin.
“Kemi fluks denoncimesh nga qytetarët e Fierit. Ky proces i rëndësishëm do të vazhdojë. Për momentin nuk mund të përmendin emra. Në përfundim të hetimit do të bëhen publike edhe emrat. Prokuroria e Përgjithshme ka struktura të posacme për hetimin e rasteve. Kërkojnë bashkëpunim nga institucionet për të hetuar korrupsionin.”, u shpreh ndër të tjera Llalla.
Gjatë vizitës së tij sot në Fier, disa banorë të Zharrëzit, shprehën ankesat e tyre dhe kërkuan me insistim që të takonin Llallën, çka shkaktoi rrëmujë në ambientet përpara Prokurorisë.
Vetë kryeprokurori Adriatik Llalla është shprehur më herët se hetimet për këtë kompani janë mbyllur pas presionit të ambasadorit amerikan Donald Lu. (XH.A/SHUPLAKA)
Discussion about this post