“Lleshaj emëron Drejtor Policie në Dibër, mirditorin e tij”. Kush është Ylli Doda, i shkarkuar nga Rama 2 vjet më parë

Pak ditë më parë në komisariatet e policisë Dibër dhe Mat, pati lëvizje të drejtuesve, ndërsa mësohet se këtë të Hënë, të tjera ndryshime ka patur në drejtori.

Burime për Fax News, thanë se Drejtori i Policisë së Qarkut Dibër, Edmond Tarkaj, i cili ka mbajtur këtë detyrë që prej korrikut të vitit 2014, është emëruar në Tiranë si Shef i Sektorit të Forcave Operacionale Lëvizëse. Ndërkaq, në vend të Tarkajt, mësohet se është emëruar Ylli Doda. Ylli Doda ka mbajtur një sërë postesh drejtuese në Policinë e Shtetit, raporton gazetari i Fax News Enver Doçi.

Doda ka qënë më parë shef i Komisariatit nr.2 në Tiranë. Ndërkohë, ndryshime në postet drejtuese të policisë së shtetit rrethe 10 ditë më parë ka patur edhe në rrethe të tjera. Mësohet se brenda pak ditësh, në Drejtorinë Vendore të Policisë Dibër, të prezantohet edhe drejtori i ri, Ylli Doda.

Ky i fundit mësohet se është shkarkuar në gusht 2017 nga Rama, pas denoncimeve të qytetarëve për ndërtim pa leje. Ndërkohë nga qytetarët përflitet se ky emërim ka ardhur direkt nga Lleshi të cilët përflasin se : Lleshaj ka emëruar në Dibër mirditorin e tij.