Ministri i Brendshëm Sandër Lleshaj, gjatë interpelancës ditën e sotme me disa deputetë të Kuvendit të Shqipërisë, në lidhje me dhunën e ushtruar tek protesta për mbrojtjen e Teatrit Kombëtar, mori sërish në mbrojtje efektivët.
Duke u përgjigjur për efektivët të cilët nuk kishin emra identifikuaes, ministri u zotua se emrat e tyre nuk do të dalin kurrë.
“S’do t’i merrni kurrë emrat e policëve që ishin pa numra në protestën tek Teatri. Sepse ju s’keni tagër për atë gjë. I vetmi institucion që ka tagër për të marrë të dhënat e policëve që ishin tek Teatri është prokuroria. Edhe në SHBA që ndodh protesta, shihni, ka gjë policë me targa në gjoks? Ata policë identifikohen nga drejtuesit e tyre.”- tha Lleshaj.
Ndër të tjera në fjalën e tij Lleshaj tha se ka shumë vende që efektivët e policisë nuk kanë emra, ndërkohë që ministri pranoi se në Shqipëri është e detyrueshme, megjithëse mbronte faktin se punonjësit e policisë duhet të ishin pa numër identifikimi.
Discussion about this post