Ditën e sotme ka pasur replica në distancë mes ministrit të Brenshëm Sandër Llashajt dhe kryebashkiakes së Shkodrës Voltana Ademit në lidhje me menaxhimin e situatës së emergjencës për shkak të pandemisë së koronavirusit.
I ftuar në një emision televiziv, Lleshaj është përpjekur ta zmadhojë në njëfarë mënyre gjendjen në Shkodër ndërkohë që ka dalë keq me llogaritë.
Zyrtarisht në vendin tonë është njftuar për 377 persona të identifikuar si vartës të virusit COVID-19 ndërsa Lleshaj tha se 25% e tyre janë në Shkodër, kur në fakt me një diferencë të thella Tirana mban numrin rekord me 177 raste përkundër Shkodrës me 44 raste.
“Unë do thosha se fokusi i qeverisë është drejtuar drejt Shkodrës, edhe sepse në Shkodër ka raste të shumta me koronavirus, përbëjnë rreth 25% të të infektuarve. Këto janë edhe pasojë e faktit se autoritetet atje nuk menaxhojnë situatën sic duhet. Ne kemi shkuar sot në Shkodër për të koordinuar të gjitha punët për masat që duhen marrë për këtë cështje.
Ne nuk lëmë asnjë përgjegjësi aty ku ajo nuk meriton të jetë. Nëse flasim për Shkodrën, kemi të ashtuquajtura pazare që janë turp t’i shohësh. Ishin si në Kandahar. Këto tregje duhen ndaluar edhe nëse nuk ka koronavirus. Ata tregje nuk duhet të lejohen nga Bashkia Shkodër. Nuk kemi rregulla sic duhet dhe duhet disiplinuar sjellja e qytetarëve. Autoritetet duhet të marrin masa për të mos funksionuar ata tregje, ku shitet peshk e të tjera mallra në rrugë. Kjo nuk mund të lejohet e nuk do lejohet”, tha Lleshaj
Discussion about this post