Ministri Sandër Lleshaj ka reaguar lidhur me situatën e agravuar që ka qenë që prej mëngjesit të sotmë në zonën e Petro Ninit në Tiranë, ku rreth 15 banorë janë përballur me punonjësit e përmbarimit. Edhe pse Lleshaj thotë se Policia ka detyrë të mbështesë përmbarimin, ministri thotë më tej se sjellja e efektivëve nuk ka qenë efikase dhe dinjitoze.
Lleshaj është i paqartë në reagimin e tij teksa shkruan: Mirëkuptim të plotë për reagimet ndaj pranisë së Policisë Shtetit në ekzekutimin e një veprimi përmbarimor, mbi një vendim gjykate të formës së prerë. PSH ka detyrimin ligjor të mbështesë përmbarimin, por ka dhe detyrimin të jetë dinjitoze dhe efikase. Kjo s’ka ndodhur në këtë rast!
Kujtojmë se prej orës 9 të mëngjesit të sotëm, banorët janë përballur me përmbarimin që kishte mbërritur për të prishur banesën e tyre, për shkak se i ka dalë pronari. Banorët këmëngulin se Aleksandër Gavoci, ka korruptuar gjyqtarët për të marrë pronën e tyre, ndërsa shumë prej famijarëve kanë kaluar gjendje të fikti.
Avokatët e banorëve nga ana tjetër janë përplasur po ashtu me punonjësit e përbarimit. Avokati Ndue Pjetra i është drejtuar punonjësit të Përmbarimit se nuk ka vendim gykate për veprimin që po bën dhe se do të porcedohet penalisht.
Ai ka deklaruar për mediat se para dy vitesh këta familjarë kanë nënshkuar një marrëveshje. Ata kanë rënë dakort të heqin dorë nga rekursi për t’u demshpërblyer me një shtëpi. Në momentin që ata kanë hequr dorë nga rekursi prona ka kaluar në një përmbarues tjetër.
“Nuk mund të futesh në banesë pa vendim gjykate. Kreditori ka të drejtë të heqë dorë nga ekzekutimi. Nuk ka rëndësi si janë marrë vendimet deri tani. Nëse ekzekutohet ky vendim, përmbaruesi do ndiqet penalisht. Komisariati nr 2 i shërben kriminelëve. Para dy vitesh kanë nënshkuar një marrëveshje. Ata kanë rënë dakort të heqin dorë nga rekursi për t’u demshpërblyer me një shtëpi. Në momentin që ata kanë hequr dorë nga rekursi prona ka kaluar në një përmbarues tjetër. Familjarët kanë të drejtë të rrinë në pjesën e vet. Prona është e ndarë në dy pjesë, njëra i takon pronarëve dhe tjetra”, ka deklaruar avokati.
Ndërkohë avokati tjetër është shprehur se banorët, duke i quajtur ata “të shkretët”, kanë nënshkruar një marrëveshje e cila vepron mbi vendimin gjqyësre
“Ka një vendim në kundërshtim me ligjin. Kjo pronë është sekuestruar në 1939. Sipas ligjit nuk mund të kthehen pronat e sekuesruara para vitit 1944.Palët në vitin 2015 kanë bërë një deklaratë noteriale ku thuhet se është vendosur të heqin dorë nga rekursi që kishin në Gjykatë të Lartë. Kur palët arrijnë marrëveshje nuk mund të veprojë më përmbarimi dhe bie fuqia e vendimit gjyqësor. Gjykata e Apelit Tiranë i jep fuqi juridike deklaratës noteriale”.
(E.K/FAXWEB.AL)
