Pas publikimit nëpër media të informacionit se kryetari i Komisionit Qëndror të Zgjedhjeve, Klement Zguri ishte kërcënuar, reagoi edhe studiuesi Aurel Plasari i cili ngrinte dyshime se personi në fjalë kishte kërcënuar edhe atë duke e pyetur se sa vajza kishte.
Sipas Plasarit, ai quhet Emiljano Pjetri dhe të dhënat korrespondojnë me personin që ka kërcënuar Zgurin.
Ndërkohë një lajm i publikuar një një media online ka sjellë një tjetë reagim nga ana e Plasarit që sipas kishte shkruajtur se studiuesi e kishte publikuar për të mbrojtur veten dhe familjen.
Plasari ka saktësuar kështu: “SQARIM. Gazetarët e gazetës “Panorama” i falenderoj për bërjen publike të shqetësimit tim, vetëm më duhet të sqaroj që sms-në poshtanike e kam bërë publike vetëm sot, ku u shfaq edhe rasti i kërcënimit të Klement Zgurit dhe jo, siç kanë shkruar gazetarët: “po e publikon për të mbrojtur veten e tij dhe familjen” . Hiçaspakfare”.
Ai vijon më tej duke argumentuar se nuk ka qëlluar aq i paaftë sa të kishte nevojë priste ministrin Sandër Lleshaj që të zbulonte se kush ishte personazhi kërcënues duke dhënë edhe detje rreth këtij të fundit.
“Nuk kam qëlluar aq i paaftë sa të kisha nevojë të prisja Lleshin e Gazit Lotsjellës që ta zbuloja se kush ishte personazhi kërcënues, fshatin Beltojë nga e ka origjinën, çfarë detyre ka pasur në ish-Sigurimin e Shtetit, mënyrën si është strehuar në një vend fqinj të cilit i mbaron emri me -qi, madje edhe qytetin ku fshihet, deri edhe lagjen… etj. Lleshi ndërkaq le të ruajë gazin përkatës”, shkruan Plasari në rrjetet sociale.
Ai sqaron më tej se mesazhin e kishte publikuar për të kuptuar se në çfarë fryme u zhvilluan zgjedhjet e 30 qershorit ose.
“Publikimi i sms-së poshtanike ka vlerë, siç kam shkruar, për të kuptuar se në çfarë fryme u zhvilluan zgjedhjet e 30 qershorit ose, ndryshe, “30 qershori i Ramës”, dhe këtë frymë nuk ia kemi pasur borxh”.
(F.GJ/FAXWEB.AL)
Discussion about this post