“Lleshi”, Manjani: Nëse sqarohet ky kusht, presidenti ta dekretojë. Vetë kryeministri, përtej sjelljes prej zuzari…

Ish-minnistri i Drejtësisë Ylli Manjani përmes një postimi në rrjetet sociale thotë se “këshilla ime për Presidentin e Republikës është ta dekretojë Sandër Lleshin”.

Manjani shkruan se kushti i vetëm që duhet sqaruar është i plotëson apo jo kushtet e neneve 70 dhe 103 të Kushtetutës.

Nëse kjo gjë sqarohet mundësisht publikisht, atëherë Lleshi duhet dekretuar, pasi ço qëndrim tjetër e kompromenton rolin e presidentit.

Ndërsa vendimin e parë të Metës për mosdekretimin e Lleshit si Ministër të Brendshëm, Manjani e ka quajtur të drejtë “qoftë dhe për ti dhënë një shpullë arrogancës së Kryeministrit”.

Postimi i plotë:

Një këshillë e pakërkuar.
—————-
Po të më dëgjojë, këshilla ime për Presidentin e Republikës është ta dekretojë Sandër Lleshin.

Kushti i vetëm që duhet sqaruar është i plotëson apo jo kushtet e neneve 70 dhe 103 të Kushtetutës. Dmth është apo jo ushtarak aktiv që e bën Sandrin të pamundur të emërohet ministër.

Po u sqarua kjo gjë mundësisht publikisht, Sandri duhet dekretuar.

Çdo qëndrim tjetër e kompromenton rolin kushtetues të Presidentit. E përsëris të zyrtarit të vetëm që ende flet e sillet në bazë të Kushtetutës.

Mosdekretimi i parë ishte i duhuri, qoftë dhe për ti dhënë një shpullë arrogancës së Kryeministrit që shkarkon e propozon ministra me dy rrjeshta në teetter.

Ai mund të tallet me vartësit e tij, por jo me Presidentin e Republikës! Ndaj ai mosdekretim, qoftë dhe me motivin “nuk më bind” ishte i duhuri, pikërisht për faktin se nuk propozohet ndryshimi i ministrave me dy rrjeshta.

Vetë Kryeministri, përtej sjelljes prej zuzari jo zyrtari, më në fund ka dërguar një relacion spjegues. Pra e ka hequr tullën e arrogancës ku kishte hipur.

Tani mbetet për të verifikuar ka apo jo pengesa kushtetuese. Nëse pengesa nuk ka ose bien, gjykoj se Presidenti duhet ta dekretojë.

Nuk ka pse të lihet asnjë shije e pakëndshme në publik.

Këtu nuk është fjala për qeverinë po për shtetin.

Ndërkohë analiza politike dhe media duhet çliruar nga ky debat, për t’u fokusuar tek gjëra të tjera më të rëndësishme si Borxhi, investimet, korrupsioni, dhunimi i te drejtave ndaj shtetasve, varfëria e papunësia, arësimji e shëndetësia, integrimi dhe ekonomia.

Ka halle më të mëdha ky vend, me të cilat nuk po merret ASKUSH!

(B.H/Faxweb)