Sot fillon raundi i katërt i ndeshjeve të Champions League dhe është momenti që llogaritë mund të bëhen më të thjeshta, gjithsesi pasqyra do jetë më e qartë pas ndeshjeve të sotme. Aktualisht janë 8 skuadra që nëse marrin rezultat pozitiv sot kualifikohen për më tej në mënyrë direkte, por janë edhe 10 skuadra të tjera që mund të bëjnë gati valixhet që në ndeshjen e sotme, shkruan SportPlus.
Grupi A
Sot – 18:55 – Menaco-Club Brugge
Sot – 21:00 – Atletico-Dortmund
Atletico Madrid pret në shtëpi Dortmund-in, nëse ekipi gjerman fiton edhe në “Wanda Metropolitana” matematika e lejon të festojë sepse siguron matematikisht vendin e parë në këtë grup. Në nuk fiton sot, i mjafton një barazim në ndeshjen e radhës për të siguruar kualifikimin. Përcaktues do të jetë fati sot për Monaco dhe Club Brugge që do të diskutojnë mes tyre vendin e tretë dhe të katërt.
Mund të kualifikohen: Dortmund dhe Atletico Madrid
Mund të eliminohen: Monaco dhe Club Brugge
Grupi B
Sot – 21:00 – Inter-Barcelona
Sot – 21:00 – Tottenham-PSV
Situatë e njëjtë si në Grupin A. Nëse Barcelona fiton sot siguron matematikisht vendin e parë dhe kualifikohet për më tej, nëse jo i mjafton një barazim ndaj Tottenham ose PSV. Inter mund të kualifikohet direkt nëse fiton sot dhe Tottenham barazon ndaj PSV.
Tottenham duhet të fitojë patjetër sot ndaj PSV për të shpresuar në përballjen direkte me Inter në Angli.
Mund të kualifikohen: Barcelona dhe Inter
Mund të eliminohen: Tottenham dhe PSV
Grupi C
Sot – 18:55 – Crvena Zvezda-Liverpool
Sot – 21:00 – Napoli-PSG
Një ndër grupet më të hapura. Asnjë skuadër nuk mund të quhet e kualifikuar pas ndeshjeve të sotme. Crvena Zvezda mund të eliminohet sot nëse Liverpool fiton në Beograd.
Mund të kualifikohen: -?
Mund të eliminohen: Crvena Zvezda
Grupi D
Sot- 21:00 – Schalke-Galatasaray
Sot- 21:00 – Porto-Lokomotiv Moscow
Matematika nuk lejon asnjë skuadër të cilësohet si e kualifikuar, por Porto mund të sigurojë një vend për më tej nëse fiton sot ndaj skuadrës ruse dhe Galatasaray humbet ndaj Schalke. Lokomotiva duhet të fitojë për të mbajtur shpresat gjallë, barazimi do iu vlente vetëm nëse ndeshja tjetër nuk ka fitues.
Mund të kualifikohen: -?
Mund të eliminohen: Lokomotiv Moscow
Grupi E
Nesër – 21:00 – Benfica-Ajax
Nesër – 21:00 – Bayern-AEK
Një tjetër grup që mund të vendoset sot. Ajax dhe Bayern Munchen kualifikohen sot nëse arrijnë të fitojnë. Benfica eliminohet nëse humbin ndaj Ajax dhe Bayern fiton. AEK eliminohet direkt nëse humbet edhe sot, nëse barazon duhet të presë një humbje mes Ajax dhe Bayern për të shpresuar diçka.
Mund të kualifikohen: Ajax dhe Bayern Munchen
Mund të eliminohen: Benfica dhe AEK
Grupi F
Nesër – 21:00 – Manchester City-Shakhtar Donetsk
Nesër – 21:00 – Lyon-Hoffenheim
Manchester City mund të kualifikohet nëse fiton ndeshjen e raundit të katërt por duhet të shpresojë për një fitore ose barazim të Lyon, në të kundërt duhet të presë ndeshjen e radhës. Ndërkohë Hoffenheim eliminohet nëse mundet nga francezët e Lyon. Edhe Shakhtar mund të eliminohet nëse humbet ndaj City dhe Lyon fiton ndaj gjermanëve.
Mund të kualifikohen: Manchester City dhe Lyon
Mund të eliminohen: Hoffenheim dhe Shakhtar Donetsk
Grupi G
Nesër – 18:55 – CSKA Moska-Roma
Nesër – 21:00 – Plzen-Real Madrid
Humbja e Real Madrid në Moskë pengon zgjidhjen e këtij grupi. E vetmja gjë që mund të zgjidhet në këtë raund është eliminimi i Plzen nëse humbet ndaj Real Madrid, renditja e të tjerave do të vendoset në ndeshjet e ardhshme.
Mund të kualifikohen: -?
Mund të eliminohen: Viktoria Plzen
Grupi H
Nesër – 18:55 – Valencia-Young Boys
Nesër – 21:00 – Juventus-Manchester United
Tre fitore në tre ndeshje e kanë vënë Juventus në pozicion të privilegjuar dhe do e sigurojë kualifikim direkt nëse fiton ndaj United, por edhe nëse sfida Valencia-Young Boys përfundon në barazim.
Mund të kualifikohen: Juventus
Mund të eliminohen: -?
Discussion about this post