Azdren Llullaku është në qendër të merkatos së janarit. Sulmuesi që luan për Gaz Metan në kampionatin rumun pritet të zgjedhë një ekip të ri përballë ofertave të shumta që po merr.
Pas Leh Pozhnanit të Polonisë, në skenë dalin dhe dy ekipe të tjera siç janë kampionët e Kazakistanit, Astana dhe bullgarët e Levskit të Sofjes.
Për 28-vjeçarin alternativa më e mundshme është Astana, pasi luan në Ligën e Kampionëve dhe kanë bërë ofertë më të mirë financiare.
Kazakët ofrojnë 30 mijë euro në muaj maksimumi për futbollistin kuqezi, ndryshe nga Levski që ofron vetëm 12 mijë euro në muaj.
Discussion about this post