Kryeministri Rama ka folur sërish rreth çështjes më të nxehtë të ditëve të fundit lidhur me akuzat që i drejtohen PD-së për financim rus.
Rama than ë emisionin “Studio e hapur” se Basha duhet të shkojë në Prokurori për të sqaruar këtë çështje në vend që të ‘broçkullisë’ se si do të nxjerrë shqiptarët nga varfëria. Rama tha se akuzat e PS-së nuk janë për të dëmtuar PD-në por se bëhet fjalë për një çëeshtje të rëndësishme. Ai nuk kurseu edhe ironinë.
“Kundershtar, më të mirë se Lulzim Basha për mua nuk ka, sinqerisht”, tha Rama. Më vonë ai shtoi “më shumë vota do ti jepte fotoja me mua, se me presidentin”.
Rama e ka cilësuar situatën skandaloze. “Si ka mundësi një kontratë lobimi të financohet nga burime të paidenfikueshme për të cilat vetë i financuari, pra PD përmes gojës së kryetarit të partisë thotë se nuk ka lidhje, nuk i njeh. Kjo është një situatë skandaloze dhe këtu ka dy aspekte. Njëri aspekt që PD është alternativë pushteti me ligjin në pushtet dhe aspekti tjetër cila është e vërteta deri në fund. Dhe nëse ka influencë malinje. E gjitha kjo përkon me një fazë kur këtu në Tiranë ishte ngritur një çadër dhe ku çdo ditë baltosej”, tha ai. (B.H/Faxweb)
Discussion about this post