Rudina Magjistari, moderatorja e emisionit të pasdites “Rudina”, ka reaguar pas kritikave të shumta të ndjekësve në rrjetet sociale dhe lajmit që qarkulloi jo pak lidhur me një temë ngacmuese në vetvete.
Në emisionin e së enjtes, ajo kishtë të ftuara dy gra që folën për rëndësinë e lodrave të seksit në marrëdhëniet seksuale, duke e demonstruar konkretisht me objektet përkatëse.
Kjo temë u cilësua e papërshtatshme nisur nga orari kur transmetohet dhe moderatorja u kryeqëzua për këtë. E pyetur nga një gazetë e përditshme lidhur me reagimin e saj ndaj kritikëve, Magjistari është shprehur se nuk i bëjnë përshtypje kritikat pasi në emisionin e saj ka trajtuar shpeshherë çështje të tilla.
“Të them të drejtën nuk më bëjnë fare përshtypje komentet negative dhe ka një shpjegim për këtë fakt. Unë kam 7 vite që bëj një program pasditeje çdo ditë dhe nuk kam lënë asnjë temë pa diskutuar, përfshirë këtu edhe temat e seksit, me anë të seksologëve dhe psikologëve të ndryshëm. Është domosdoshmëri trajtimi i këtyre temave, si një pjesë e rëndësishme e jetës dhe e përmirësimit të marrëdhënies në çift.”, mësohet të ketë thënë ajo. (XH.A/SHUPLAKA)
Discussion about this post