Loja që po merr qindra jetë edhe në Shqipëri, fëmijët shqiptarë tregojnë eksperiencat e tyre me “Balena Blu” (VIDEO)

Loja “Balena Blu” u ka futur tmerrin të gjithë prindërve në mbarë botën, pasi shumë të rinj kanë vrarë veten vetëm me qëllimin për ta fituar këtë lojë.

Mirëpo ndërsa mendohej se në Shqipëri kjo lojë nuk ishte e përhapur, një kronikë e News 24-ës tregon të kundërtën.

Vetëm fëmijët tregojnë përpara kamerës detaje të hollësishme mbi lojën, ndërkohë që autoritetet nuk kanë njoftuar për këtë rrezik.

RRËFIMET E FËMIJËVE:

1- “Mua më kanë marrë në telefon dhe më kanë pyetur a dëshiron ta luash Balenën Blu? Por unë e dija që ishte e rrezikshme dhe iu përgjigja: Jo. Pastaj mora kartën dhe e theva”,- tha një fëmijë.

2-“Njoh dy veta në klasën time që e luajnë. Është një lojë interesante thonë se ka të bëjë me jetën tonë dhe nëse bie nga lartësia nuk të gjen gjë”,- tha një vajzë.

3-“Një djalë i klasës time ka çarë dorën, por tani ka fikur celularin se e ka kapur vëllai dhe ia ka ndaluar vëllai”,- tha një tjetër.

4-“Luajnë dy shokët e mi, njëri është në nivelin 31 dhe tjetri në të 35-n. I detyrojnë të zgjohen në mes të natës, folin me vete, janë si lojëra të çmendura”,- tha një tjetër fëmijë.

Mirëpo, pavarësisht se fëmijët pohojnë se po luajnë me këtë lojë, policia nuk ka marrë denoncime konkrete.

 “Deri në këto momente nuk kemi denoncime konkrete për këtë lojë”,- tha Artan Dashi, shef i krimit kibnerbetik në Tiranë.

Mediat ndërkombëtare shkruajnë se “Balena Blu” është krijuar nga një 21- vjeçar rus Philip Budeikin i cili ndodhet në burg. Pak kohë më parë deklaroi se objektivi ishin pikërisht fëmijët, të cilët i quajti “mbetje biologjike” dhe pretendoi se po “pastronte shoqërinë”.

Mbi 140 fëmijë dhe adoleshentë kanë vrarë veten vetëm në Rusi, por mesa duket përbën rrezik potencial edhe për fëmijët shqiptarë, pasi ka mbërritur prej kohësh në rrjetet sociale të adoleshentëve më së shumti në Messengerin e Facebook-ut.

“Më kishte çuar ftesë por kur thashë s’më intereson më bënë block”,- tha njëri prej tyre.
“Fillimisht duan foton tënde, pastaj të shtëpisë dhe sfida e tretë ka të bëjë me një video ku ti gjuan veten me shpulla”,- u shpreh një tjetër nxënës i shkollës 9-vjeçare. (D.D/Shuplaka)

https://www.youtube.com/watch?v=gpncIhnwWuA&feature=youtu.be