Kryegjyshi Botërore i Bektashinjve Haxhi Dede baba Edmond Brahimaj vlerëson nismën e kryeministrit Rama për mbylljen e lojrave të fatit, por ka dhe një mesazh, duhen hapur më shumë vende pune.
“E vlerësoj këtë vendim nga kryeministri. Mbyllja e tyre është për të mirën e familjeve shqiptare. Lojrat e fatit janë të dënuara me ligj edhe me fe. Ato i mësojnë dembelë dhe i shkatërrojnë njerëzit. Por të hapen sa më shumë vende pune që të punësohen njerëzit”, shpreh kreu i bektashinjve.
Vendimi i Ramës për lojërat e fatit ka qenë një nga më të reklamuarit në javët e fundit, edhe pse duhet thënë se opozita ka akuzuar se e gjitha kjo po bëhet për të favorizuar një kompani të afërt me vëllanë e kryeministrit, Olsin.
(E.K/FAXWEB.AL)
