Lojtarët e Korabit shpërthejnë me akuza ndaj drejtuesve: Futën në lojë të rinjtë, nuk vazhojmë stërvitjen

Humbja e thellë ndaj Teutës ka sjellë dhe shpërthimin e titullarëve të skuadrës ndaj drejtuesve. Ata akuzojnë për tolerim.

Humbja e Korabit nuk është më një surprizë sepse tani është një skuadër pa objektiva, por humja e fundit ndaj Teutës në kampionat javën e fundit ka nxjerrë edhe një herë në pah një problem kronik të kampionatit tonë që përsëritet çdo vit, skuadrat që nuk kanë objektiva braktisin rregullat e futbollit dhe përfshihen në kompromise dhe tolerime duke prishur rregullat e lojës.

Lojtarë të rëndësishëm të Korabit që kanë qënë gjithmonë në listën e titullarit kanë akuzuar drejtuesit e klubit, trajnerin Ermal Nexhipi dhe Fehmi Mziu. Kujtojmë që lojtarë titullarë si Jubani, Ardit dhe Denis Peposhi apo dhe portieri Laço.

“Nëse keni marrë para, na jepni lekët, ose ndryshe nuk vazhdojmë stërvitjen. Ose na tregoni arsyen pse ndërtuat një formacion të lehtë me lojtarë të rinj duke mbajtur në stol titullarë si ne”, janë shprehur lojtarët. Lojtarët madje kanë thënë që nuk do marrin pjesë në stërvitje nëse nuk sqarohet situate ose nuk jepen lekët e marra nga tolerimi.