Një menaxher shqiptar ka deklaruar në kushte anonimati për “Panorama Sport” se lojtarët shqiptar kanë problem fizike dhe nuk paguan askush 1 milionë euro për t’i blerë.
“Nuk mund të japim 1 milion euro për lojtarë të kampionatit shqiptar, sado të talentuar të jenë”, është shrehur menaxheri.
Këtë e ka thënë sipas tij një drejtues i lartë i një klubi prestigjoz në Europë.
Menaxheri tregon se gjatë finales së kupës mes Skënderbeut dhe Tiranës, disa agjentë klubesh kroate, belge dhe ruse janë zhgënjyer me nivelin e lojës dhe përgatitjen fizike të lojtarëve.
“Shoh probleme fizike, presim më shumë nga lojtarë në këtë moshë. Sado të ngarkuar të jenë gjatë kampionat, nuk mund të bëjnë këtë paraqitje. Klubet shqiptare kërkojnë shifra deri në 1 milion, por nuk ka shans që Dinamo Zagreb apo ndonjë ekip tjetër të një kampionati të nivelit mesatar, të blejë në Shqipëri me këtë çmim. I vetmi lojtar që ka tejkaluar pritshmëritë ka qenë Agim Zeka, për të cilin u bindën disa agjentë francezë, vetëm sepse shkëlqeu ndaj një Kombëtareje të një niveli të lartë si Gjermania me U-19″, tregon menaxheri shqiptar. (B.H/Shuplaka)
Discussion about this post