Enis Bardhi, lojtari me origjinë shqiptare që po shkëlqen në kampionatin spanjoll, me skuadrën e tij Levanten, ka tërhequr vëmendjen e mediave pas paraqitjeve të mira dhe golave të bukur që ka shënuar në një kampionat me nivel të lartë siç është La Liga.
Edhe pse me origjinë shqiptare, ai pak ditë më parë ishtye kundërshtari I kombëtares shqiptare në ndeshjen ndaj Maqedonisë.
Ai është shprehur për herë të parë për një media shqiptare, në “Zona Gol” duke treguar dëshirën e madhe për të qenë pjesë ne ekipit kuqezi dhe ka treguar edhe arsyet se pse kjo nuk ndodhi.
“Ka pas ëndërr të luaj për Shqipërinë. Dikush më tha se duhet të vij në Shqipëri për tu provuar nga trajneri Redi Jupi. Menaxheri im që ka luajtur me të tek Dinamo e Tiranës i kërkoi një takim por pa mundur të marrë përgjigje. Nuk besoj që ka shqiptar nga Shkupi që të mos luaj për Shqipërinë. Ka qenë një sjellje joprofesionale e Federatës. Unë kam qenë një viktimë.”
Bardhi dha edhe arsyet se pse ndeshja u luajt në Strumicë dhe jo në Shkup. Ai gjithashtu tregoi dhe se si u ndie gjatë himnit.
“Ishte emocionuese kur u këndua himni. U preka në momentin e vërshëllimave, por në fushë jemi profesionistë. E vetmja arsye përse nuk luajt në Shkup ishte sepse aty do të kishte më shumë shqiptarë por edhe për arsye sigurie.” (B.H/Shuplaka)
