Ish-deputeti socialist, Namik Dokle ka postuar gjatë ditës së sotme një foto ironizuese.
Me lopatë në dorë, duke mjellur ulli në një bahçe Dokle shkruan: Edhe une e mbolla sot një ulli…(Në kopësht, jo në televizor).
Nëse ndjek me kujdes zhvillimet politike në vend, kuptohet qartë se Dokle është duke ironizuar kreun e Bashkisë së Tiranës Erion Veliaj.
Vetëm gjatë ditës së djeshme Veliaj ndërmorri nismën që në vitin e Skënderbeut të mjellë 550 pemë të reja me ullinj në kryeqytet.
Kuptohet edhe ironia e Dokles, teksa thotë se ai po e mbjell në kopësht ullirin dhe jo në televizor. Veliaj jo pak herë është akuzuar se më shumë kohë kalon në ekrane sesa duke bërë realisht punë.
“Sot është 17 janari, viti dhe dita kur kujtojmë Skënderbeun, 550-vjetorin e vdekjes, dhe unë besoj se fabula e tij në fakt është një fabul bashkimi që flet gjithnjë e më fort.
Në një moment kur ne shqiptarët e kemi zakon që të devijojmë, të humbasim fokusin, të përçahemi, të pengojmë njëri-tjetrin, Skënderbeu është ndoshta e vetmja figurë që na unifikon të gjithëve dhe për të cilin nuk kemi debat.
Ndaj jam shumë i lumtur sot që të gjithë vëllezërit tanë arbëreshë nga jugu i Italisë, na u bashkuan sot jo vetëm për të përkujtuar vitin e Skënderbeut, por edhe për disa simbolika shumë të forta”, tha dje Veliaj.
(E.K/FAXWEB)
Discussion about this post