Analisti Lorenc Vangjeli, i ftuar në emisionin “Opinion” të gazetarit Blendi Fevziu, ka deklaruar se kreu i opozitës Lulzim Basha po kërkon të vijë në pushtet por nuk di se si dhe për këtë ka tentuar t’i afrohet Metës por s’ja ka dalë dhe tani po tenton të afrohet me Ramën.
“Si të gjitha bimët e rritura në serë, ngrica e parë rrezikon që t’u bëjë dëm. Ai kërkon të vijë në pushtet por i vetëm nuk e bën dot. Ka tentuar në largësi me Metën dhe ka parë distancë prej tij, dhe sot ka kthyer sytë nga Rama. Asgjë nuk është ashtu siç duket, çdo gjë është e hapur. Nuk ka as logjikë por aritmetikë. Pas momentit që u qeras me Big Meck-un e Ramës, tani ëhstë ti hajë king Mecker-in Metës.
Ka hequr dorë nga prania e tij, dëshira, shpresa, aspirata për të qenë kryeministër, e gjitha kjo për ta zëvendësuar me dëshirën për të kuhstëzuar emrin e kryeministrit të nesërm dhe kjo është dramatike. “, tha Vangjeli. (D.D/Shuplaka)
