Analisti dhe këshilltari i Parlamentit Lorenc Vangjeli, i ftuar në emisionin “Opinion” të gazetarit Blendi Fevziu, ka folur për shtyrjen e zgjedhjeve.
Sipas tij, vendi tanimë ka hyrë në kolaps, si po të hyjë opozita në zgjedhje edhe të mos hyjë.
“Kodi kërkon që listat të dërgohen për 50 ditë, domethënë nga data e zgjedhjeve, dhe i bie që nga data 18 maj të numërohen edhe 50 ditë të tjera, që i bie nga 10 korriku, që është minimumi. Ne tashmë kemi hyrë në një kolaps.
Pikërisht që nuk është hera e parë që Shqipëria ka bërë zgjidhje të tilla, jemi në këtë pikë. Duhet të përjashtojmë rreziku më i madh, që është destabiliteti, dhe nëse hyjmë në zgjedhje pa opozitën, vendi rrëshket në destabilitet.”, shprehet Vangjeli.
Këto deklarata ai i ka bërë ndërkohë që kryeministri Edi Rama dhe kreu i opozitës Lulzim Basha po zhvillojnë një takim “kokë më kokë” për të diskutuar për fatin e zgjedhjeve. (D.D/Shuplaka)
Discussion about this post