“Me defibilator në fushë”, Lorik Cana rrëfen arsyen e vërtetë pse e la futbollin

Ish-kapiteni i Kombëtares shqiptare, Lorik Cana, ka rrëfyer arsyen e vërtetë që e detyroi atë t’i japë fund lojës së tij në fushën e gjelbërt.

I ftuar në emisionin “Pasdite” në “TCH”, Cana ka treguar se ishin problemet shëndetësore që e detyruan të marrë këtë vendim. Konkretisht, ai rrëfeu se kishte probleme me zemrën, ndaj mjekët u detyruan ta ndalonin të vazhdonte të luante në fushë.

Megjithatë, Lorik Cana luajti edhe një vit, deri sa përfundoi pjesëmarrja e Shqipërisë në “Euro 2016”.

“Ka qenë një periudhë që unë luaja dhe në fushë ishte dhe defibrilatori në rast se do ishte i nevojshëm, kjo më shqetësonte pak, por më pas e harrova praninë e tij në fushë dhe rrezikun e zemrës dhe luajta deri në ndeshjen e fundit”, ka rrëfyer ai.