Programi i lotarisë amerikane është një mënyrë që iu ofrohet shtetasve të huaj, për të shkuar si emigrantë drejt Shteteve të Bashkuara të Amerikës, madje duke u dhënë të drejtën të punojnë e jetojnë në mënyrë të përhershme në këtë vend së bashku me familjet e tyre.
Por cilat janë gabimet më të shpeshta që bëjnë ta humbisni këtë mundësi ? Mëposhtë do t’iu rendisim disa prej tyre.
1-Mos aplikoni më shumë se njëherë.
2-Mos prisni ditën e fundit për të aplikuar (mund të bllokohet serveri dhe aplikimi juaj nuk aprovohet nga sistemi).
3-Edukim ose punë e kualifikueshme: Ju duhet të keni një arsim të shkollës së mesme apo ekuivalentin e tij, përkufizuar si përfundim me sukses i 12 viteve edukim të plotë zyrtar 9-vjeçar dhe i mesëm; (pra të vërtetoni me bindje që keni mbaruar 12 vjet shkollë të plotë); ose të keni 2 vjet eksperiencë pune brenda 5-viteve të kaluara në një punësim që kërkon të paktën 2 vjet trajnim ose eksperiencë për ta ushtruar.
4-Për të përcaktuar nëse pёrvoja e punës kualifikohet për lotarinë, do të përdoret Baza e të Dhënave të Departamentin amerikan të Punës O*Net OnLine. Në qoftë se ju nuk mund të plotësoni të dyja kërkesat e mësipërme, ju nuk duhet të aplikoni në Programin e Lotarisë.
“Ëndërra amerikane”, ka nisur që prej 3 tetorit, në orën 18:00 dhe përfundon më 7 nëntor 2017. (S.SH/Shuplaka)
Discussion about this post