Prej disa vitesh tashmë Igli Tare është shndërruar në një nga njerëzit më të rëndësishëm të skuadra e Lazios në Itali.
Dhe mesa duket se ky bashkëpunim do të vijojë edhe për disa vite të tjera. Të paktën kjo është dëshira e Presidentit të klubit Lotito.
Sipas mediave italiane ai kërkon të zgjasë kontratën me Taren, e cila përfundon në fund të qershorit 2018.
Edhe pse duhen disa muaj nga përfundimi i kontratës, Presidenti i Lazios ka nisur prej disa kohësh tratativart me shqiptarin për të gjetur gjuhën e përbashkët në mënyrë që të vijojnë bashkëpunimin.
Për Taren mund të vijë një tjetër kontratë 3-vjeçare, pas asaj të firmosur në 2015-ën. Vetë Tare pak ditë më parë në një intervistë në lidhje me mundësinë që mund të jetë në krye të FSHF-së tha se nuk kishte plane të afërta në këtë drejtim.
(E.K/Faxweb)
