“Loving Pablo” ky është filmi më i fundit i prezantuar në festivalin e Venecias, kushtuar narkotrafikantit të njohur kolumbian Pablo Eskobar.
Ishin Havier Bardem dhe Penelope Kruz yjet e radhës që prezantuan me sukses filmin dhe një parakalim në tapetin e kuq për tu pasur zili prej çiftit.
Havier interpreton përkrah bashkëshortes së tij, Penelepe, ku rrëfen se, si aktor, ka mbetur i magjepsur nga historia aq kontradiktore e trafikantit më të madh të kokainës, i cili nga njëra anë ishte një baba dhe bashkëshort i përkushtuar, e nga ana tjetër u kthye në njeriun që gjunjëzoi një vend të tërë.
Aktori i njohur pranon se për të hyrë në lëkurën e Eskobarit, i është dashur edhe të shtojë në peshë, për të jetuar bashkë me personazhin.
“Loving Pablo” është bazuar në librin biografik të gazetares Valeria Valeho, e cila ishte edhe dashnorja e bosit të drogës. Gazetarja kolumbiane në film interpretohet nga Penelope Cruz.
(E.K/SHUPLAKA)
https://www.youtube.com/watch?v=AffDRXM4cg4
https://www.youtube.com/watch?v=kCODthJmswQ
