Lëvizja Rinore për Integrim nuk u ka dhënë fund përpjekjeve të saj për të ndihmuar të rinjtë që ndeshën në pengesa të jashtëzakonshme në sistemin e Maturës Shtetërore për t’u kualifikuar në universitet.
Pikërisht për shqetësimin e këtyre të rinjve dhe të atyre që do të duan një shkollë të lartë në vitet në vijim, të rinjtë e LSI-së organizojnë sot një debat të gjatë lidhur me Maturën Shtetërore.
Kreu i LRI-së, Floida Kerpaci thotë se kushdo mund të jetë i pranishëm në këtë diskutim te Pallati i Kongreseve sot në orën 14:30, pasi përkatësia politike nuk është kriter.
”Lëvizja Rinore për Integrim, ju mirëpret të hedhim shqetësimet dhe idetë tuaja për Maturën Shtetërore!
Jemi te vendosur, ashtu siç kemi bërë përherë që të kemi një Sistem Arsimor cilësor dhe që i aftëson të rinjtë me dije e potencial për të konkuruar në tregun e punës.
Dija për LSI është pasuria më e madhe dhe arma më e fortë që kanë të rinjtë për të ecur në jetë.
Nuk ka rëndësi përkatësia politike, nesër ju ftojme të krijojmë sëbashku Një Shans për të Gjithë Maturantët!”, thekson Kerpaci. (V.G/SHUPLAKA)
Discussion about this post