Paraditen e sotme, LSDM ka dorëzuar në parlament iniciativën për vazhdimin e seancës konstituive përmes 67 nënshkrimeve nga deputetët e partisë së tij dhe partive shqiptare – BDI, ASH dhe Lëvizja BESA.
“Sot në Parlament dorëzuam iniciativën konkrete që më tutje të mos ketë fjalë dhe dilema rreth shumicës parlamentare. Këtu kemi 67 nënshkrime, edhe pse me Rregullore duhen 20 nënshkrime”, tha sekretari i përgjithshëm i LSDM-së.
Nga ana tjetër, VMRO-DPMNE akuzon Zaev se nuk kishte guximin të hedhë poshtë platformën shqiptare, por shkoi më tej duke theksuar se do të debatojë për çështje të cilat janë të interesit nacional dhe shtetëror.
“Piter Vanhoutte, duke i zbuluar qëllimet e Zaevit, hapi debat për federalizimin e Republikës së Maqedonisë. Për këtë deklaratë skandaloze të Vanhaute, LSDM-ja hesht, siç hesht edhe për deklaratat shokuese të deputetes nga Shqipëria, Mesila Doda. Heshtin edhe kur Zijadin Sela e mohoi identitetin maqedonas, duke thënë se para 100 viteve maqedonasit nuk kanë ekzistuar në këto hapësira. heshtin edhe për deklaratën skandaloze të Trifun Kostovskit në të cilën qartë thotë që t’ju merret e drejta e maqedonasve me prejardhje nga pjesa e Egjeut ta thonë mendimin personal dhe të luftojnë në mbrojtjen e interesave më të larta shtetërore dhe nacionale”, theksohet në reagimin e VMRO-DPMNE-së.
(XH.A/SHUPLAKA)
