Kryetari i Grupit Parlamentar të Lëvizjes Socialiste për Integrim ka propozuar sot në Komisionin e ligjeve një amandament, ku propozohej që nga amnistia të mos përfitojë asnjë nga zyrtarët e lartë që janë nën hetim, ose janë gjykuar.
Ky propozim ka detyruar Partinë Socialiste që të sakrifikojë dy prej ish-përfaqësuesve të saj të lartë si Elvis Roshin e Kavajës dhe deputetin Armando Prenga. Ata të dy nuk mund të përfitojnë nga kjo amnisti që është miratuar sot.
Në njëfarë mënyre kjo është një test tjetër public ndërmjet dy partive të koalicionit që kohët e fundit nuk kanë ndarë të njëjtat qëndrime për shumë nga çështjet.
Amandamenti i Vasilit, ishte një pikë e shtuar në nenin 6 të këtij projektligji e cila theksonte:
‘’Nuk përfitojnë nuga ky nen të gjithë personat të cilët mbajnë apo kanë mbajtur funksione publike, dhe që janë subjekt i ligjit nr.138/2015, ‘’për garantimin e integritetit të personave që zgjidhen, emërohen apo ushtrojnë funksione publike’’, i ndryushuar. Personat funskionarë publikë, të cilët ndiqen penalishtpër çështjet në hetim ose për çështjet në hetim nga gjykata’’, thuhet ndër të tjera në Amandamentin e propozuar nga LSI dhe pranuar nga PS-ja.
