Është shkarkuar Kreu i Këshillit të Qarkut në Vlorë, Sadrit Danaj. LSI ka braktisur këtë mbledhje duke thënë se vendimi për shkarkimin e Danajt nuk ishte konsultuar me ta si aleatë. Në total për shkarkimin e Danajt kanë votuar 15 këshilltarë.
Këshilltarët e Lëvizjes Socialiste për Integrim në Këshillin Bashkiak në Vlorë kanë shprehur rezerva për procedurën e ndjekur. Këshilltarët e LSI thanë se nuk janë njohur me kërkesën për mocion.
“LSI nuk bëhet pjesë e një procesi që cenon rregulloren e Këshillit të Qarkut dhe ligjshmërinë e procesit. Nuk ka rëndësi emrat për të cilët diskutohet, rëndësi ka procesi dhe zbatimi i rregullores. Ne nuk bëhemi pjese e një sjellje arrogante”,- janë shprehur gjatë mbledhjes Këshilltarët e LSI.
Një tjetër kritikë e LSI për procesin lidhej me faktin se këshilltarët nuk janë njohur me dokumentacionin e plotë të mbledhjes. “Materiali ka ardhur jashtë rendit të ditës dhe nuk është respektuar rregullorja”,- tha përfaqësuesit e LSI në Këshillin Bashkiak. Në këtë situatë, përfaqësuesit e LSI kanë thënë se mocioni për votëbesim duhet të bëhet mbledhjen radhës ose në të kundër do të braktisin mbledhjen e sotme.
Gjatë ditës së sotme mbledhja Këshillit të Qarkut të Vlorës është shqoqëruar me debate të shumta.
Në nisje të kësaj mbledhje, kryetari i bashkisë së Vlorës, Dritan Leli ka kërkuar ne ëmër të këshilltarëve socialistë, shtimin e një pikë tjetër në rendin e ditës: një mocion mosbesimi duke kërkuar shkarkimin e kryetarit të qarkut, i cili njihet si mbështetës i Koço Kokëdhimës.
Kjo ka sjellë replika fillimisht mes Sadrit Danajt dhe Dritan Lelit, e më pas, mes Danajt dhe këshilltarëve të tjerë socialistë. “Ke humbur besimin e Partisë Socialiste”, i ka thënë kryebashkiaku Sidrit Danajt.
Kryetari i qarkut ka qenë propozim i ish-deputetit të PS-së, Koço Kokëdhima. Duhet thënë se vazhdimisht strukturat në Vlorë janë përfshirë nga debatet dhe ndikimet e qarqeve të ndryshme.
Nga ana tjetër prej dy ditësh mësohet se Ministri i Energjetikës, Damian Gjiknuri, deputetët Edmond Leka dhe Andrea Marto janë vendosur në qytetin e Vlorës.
Kreu i Këshillit të Qarkut, Sadrit Danaj, prej disa muajsh është angazhuar në lëvizjen “Zgjidhja” të drejtuar nga Koço Kokëdhima. (E.K/SHUPLAKA)
[ngg_images source=”galleries” container_ids=”1558″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
